Wéini ass iwwerhaapt di richteg Zäit fir Kanner ze kréien? Déi Fro ass jidderengem eenzel iwwerlooss. Mee fir sech richteg z’entscheeden, muss een och richteg iwwerleeën.

Éischtens: du wells jo denge Kanner dat beschtméiglecht Liewe bidden.

Zweetens: du wells secher och studéiere goen oder eng Léier maachen, a spéider och schaffen.

An drëttens : du solls mat dengem Partner oder mat denger Partnerin décidéieren op ee Kand a Fro kënnt oder net, a wéi dir dat zesummen wëllt meeschteren. Zum Beispill: wunnt dir zesummen, hutt dir Plaz fir e Kand, wie soll sech em et këmmeren wann dir zwee kéng Zeit hutt ? Wann et emol souwäit ass, muss de dech mat ville Froen auserneensezen.

A virun allem muss du di korrekt Kontrazeptiounsmëttel asetzen (Kondom, Pëll …). Eng onerwënschten Schwangerschaft kann deng Liewensprojeten staark an onerwaart änneren, egal ob s du ee Meedchen oder ee Jong bass.

Falls du méi Infoë oder Rotschléi brauchs, da sinn dePlanning familial oder d’Initiativ Liewensufank do, fir dech ënnert d’Äerm ze gräifen a weider ze hëllefen. Zukünfteg Elteren fanne weider Infoen op www.eltereguide.lu. Et gëtt och eng Brochure: "Eltere sinn, Eltere ginn", déi s du an de meeschten Zeitungsbuttéker fënns.