Trotz héijen Qualifikatiounen packen vill Fraen et net bis an de Spëtzepositiounen vun hirer Firma. Di meescht bleiwen dann am "middle management". "Glas Ceiling" ass d'Wuert, dat 1986 vun zwee amerikaneschen Journalisten benotzt gouf, fir déi Situatioun ze beschreiwen.

Déijéineg déi de gliesenen Plafong ze gesi kréien, sinn zum Beispill d'Beamtinnen aus der europäescher Kommissioun: Zesumme bilden si 51,4 % (also méi wéi d'Halschent) vun alle Beamten. An trotzdem bleiwen d'Spëtzepositiounen fir d'Männer reservéiert: Vun 40 Generaldirektiounen, ginn der 4 vun enger Fra dirigéiert.