Girly oder lächerlech?

Rosa fir d’Meedercher a blo fir d’Jongen, besser kéint een di zwee Geschlechter net ënnerscheeden... Mee muss dat wierklech sinn? De Mike an d’Sonja hu sech méi oder manner de Kapp driwwer zerbrach.

Mike: Blo a rosa si ganz praktesch fir d’Geschlecht vun de Puppelcher z’ënnerscheeden. Da kënnen d’Tataen an d’Monnien d’Elteren wéint hirem léiwe Bouf , respektiv léiwe Meedche, begléckwënschen, ouni sech dobäi am Geschlecht ze ieren.

Sonja: Egal wat, t’ass eng Demütegung ee Jong blo an e Meedche rosa ze fierwe! Kanner sinn dach keng Poppen!

Mike: D’Kanner froen awer dono. Tëscht 4 a 7 Joer erkenne si d’Geschlecht nëmmen duerch äusserlech Merkmaler, wéi laang Hoer bei Fraen a kuerz Hoer bei Männer. Dat ass wëssenschaftlech bewisen.

Sonja: …an dovu profitéieren d’Marketingsdirektere fir de Meedercher rosa Poppen an de Grapp ze drécken! A wéi enger Welt liewe mer dann!

Mike: Enges Dags kommen si och vun deem Trip erof. D’Welt ass jo net ëmmer blo a rosa…pardon schwaarz a wäiss.

 Foto: Krista Gettle

Eppes fir ze liesen: Peggy Orenstein, Cinderella ate my daughter (Harperr/Herpercollins publishers), 244 Säiten.

Pinkman.jpg