Männer a Fraen sollen fir di selwecht Aarbecht dat Selwecht Bezuelt kréien. Dat ass d'Fuerderung vum Conseil National des Femmes du Luxembourg (CNFL), dee mengt dass Fraen zu Lëtzebuerg nach ëmmer ënnerbezuelt ginn. Dofir huet den CNFL den 20. März säin éichten "equal Pay day" organiséiert, an huet eng Petitioun lancéiert, wou de Stat gefrot gëtt d'Entreprisen drun ze bréngen, dass d'Gesetz respektéiert gëtt.

Eng aner Fuerderung vum CNFL ass, dass eng gläichberechtegt Pai an all Kollektivvertrag ageschriwwe gëtt. Den CNFL erënnert och drun, dass am Joer 2009 d'Fraen am Duerchschnëtt 15 % manner verdéngt hu wéi d'Männer. Allerdéngs weist di Rechnung éichter drop hinn, dass Fraen am Duerchschnëtt méi schlecht Aarbechtsplazen kréien.