Den 26. Abrëll 2012 ass et esouwäit!

Mell dech vum 7. März un, fir als éischten eng Plaz ze fannen!

Klick op dësen Artikel fir méi Infos, Links a Fotoen zum Girls' Day- Boys' Day ze kréien.

Eng schwäizer Schoul huet hire Schülerinne verbueden mam Décolleté oder mat der Minijupe an d’Coursen ze goen.

Wie géint dës Regel verstéisst, muss een XXL T-Shirt undinn a séier heem goe fir sech ëmzekleeden.

Dem schwäizer Informatiounssite lesquotidiennes.com no, wier d’Décisioun zesumme mat den Enseignante geholl ginn.

Wat hälls du dovun ? Soll een sech undoe dierfe wéi ee wëll, oder soll d’Schoul ee stricten dress-code imposéieren?

Megapeinlech?

Am Fong sollt d’Affiche hei niewendrun dofir suergen, dass méi Meedercher sech fir de Foussball interesséieren.

Vermëttelt si awer de richtege Message? Ass dat di richteg Manéier, fir dass méi Meedercher sech mat engem typesche Männersport ausenanersetzen?

So eis wat s de dovunner hälls: schreif deng Meenung op echsimega.lu, oder facebook!

Klick op den Artikel fir d'Affiche am Groussen ze gesinn!

Wéi eng Opfaassung vun der Famill ?

Wéi vereinbaren ech Beruff a Familljeliewen? Et kéint gutt sinn, dass du dir déi Fro iergendwann eng Kéier stelle muss. Genau di Fro stellen sech och modern Staten wéi Lëtzebuerg, Frankräich oder Schweden.

Wéis du dech mam Mix vu Famill a Carrière offanne wäerts, dat entscheeds du. Mä de Stat kann deng Decisiounen ënnerstetzen.

A Frankräich wéi zu Lëtzebuerg pakt de Stat eng Hand mat unn, fir schwanger Fraen virun an no der Gebuert iwwert d’Ronnen ze kréien. Sou kënnt di franséich Gesondheetskees ab dem 6. Schwangerschaftsmount fir all Käschten vun der Schwangerschaft zu 100% op...

Klick op den Artikel fir méi Infos

Lëtzebuerg am Verglach mat Europa net gutt plazéiert

Nëmme 35,8% vun de Chercheuren aus dem ëffentleche Secteur si Fraen. Dat kënnt hervir aus enger Etude vum CEPS-Instead. Domat steet Lëtzebuerg ënnert dem europäeschen Duerchschnëtt vun 38,7 %.

Dofir net vergiessen: Meedercher kënnen an de Wëssenschafte genau esou gutt si wéi d’Jongen. Ëmmerhinn ginn et mëttlerweil méi Meedercher wéi Jongen op der C Sektioun am Classique général.

Klick den Artikel fir méi Infos

Eng Hausfra generéiert 3.500 Euro de Mount

Géing een d’Aarbecht vun enger Hausfra bezuelen, da géing se am Duerchschnëtt 3.500 Euro de Mount kréien. Dat seet eng Etude déi vun enger englescher Charity Organisatioun geleet ginn ass.

D’Info ass duerch eng sëllegen Internetsite gelaf, ouni dass mer di genau Etude konnten opdreiwen. Interessant ass op jidde Fall d’Rechenart a Weis. Fir all Tâche déi eng Hausfra mécht, ass den entspriechenden, offiziellen a bezuelten Job erausgepickt ginn: Botzfra, Babysitter, Chauffeur etc. D’Tariffer sin deementspriechend ausgerechent ginn.

 Mat 70 Stonnen Aarbecht d’Woch, géing dann d’Rechnung esou opgoen: 3.500 Euro de Mount, 6 Stonne Schlof nuets an 1 Stonn Fräizäit den Dag.

De Lycée Hubert Clément war den 2. Meedercherslycée am Land

Réischt am Schouljoer 1970/71 konnte sech di éischt Bouwen an den Escher Meedercherslycée aschreiwen.

Am Schouljoer 1910/1911 gegrënnt, ass den heitesche Lycée Hubert Clément (ëmbenannt gouf en am Joer 1971) vun Esch nach als Meedercherslycée am Volléksmond bekannt, well en als 2. Lycée fir Meedercher gegrënnt gouf.

 Et  huet awer bis 1968 gedauert, biss dass d’Meedercher an d’Jongen d’Recht op di selwecht Ausbildung kruuten.

Et gëtt eng partie Sportarten wou Fraën a Männer op gläichem Fouss stinn, och an den olympesche Kategorien.

Dozou gehéiert d’Reiden, wou Reider a Reiderinnen an de selwechten Sprang oder Dressursturnéieren optrieden.

Dat selwecht stëmmt fir de Badminton, wou d’Doubléséquipë kënne gemëscht sinn.

Dobäi muss een och wëssen, dass a ville Sportarten zu Lëtzebuerg, op mannst den Training bis an e bestëmmten Alter mixte ass.

De 9. September ass FraeFoussballsdag zu Monnerech

Bis am Alter vu 14 Joer sinn d’Foussballséquipen zu Lëtzebuerg gemëscht. Trotzdem fënnt d’FLF dass et net genuch weiblech Lizenzen gëtt. Dowéinst gëtt et och tëschent den eelere Spillerinnen e groussen Altersënnerscheed.

Fir deem entgéint ze wierken invitéiert di lëtzebuergesch Foussballsfederatioun de 9. September op de Centre de Formation zu Monnerech.

Klick fir méi Info

 Wéi eng Astellung zu der Schoul?

Fir vill Proffen ass d’Gläichheet e wichtegt Thema. An dach schéngt et dass d’Meedercher d’Schoul méi eecht huelen wéi d’Jongen.

D’Premières Resultater vun dësem Joer hunn nees bewisen dass d’Meedercher sech méi an der Schoul druginn. Firwat d’Jonge sech net méi rappe wees kee genau, och wann et do eng Partie Erklärunge kéint ginn. Wat hälls du dovun?

-         Sinn d’Jonge manner motivéiert?

-         Hunn d’Proffen d’Meedercher léiwer?

-         Lauschteren d’Proffen de Jongen manner no?

-         Ginn d’Meedercher éischter op d’Schoul präparéiert?

Klick fir méi

Am Technique sinn insgesamt 79,4 % vun de Meedercher duerchkomm, géint 71,5% vun de männleche Kandidaten. An den typesch männerbesate Sektiounen behalen d’Jongen awer d’Iwwerhand, mat 68,4 % Jongen déi am regime Technicien duerchkomme, géint 66,9% vun de Meedercher.

Ongläich Resultater am Ofschlossexamen

D’Jonge schéngen an der Schoul benodeelegt ze ginn. Wéi soll ee soss erkläeren dass Meedercher generell op Première an Treizième besser ofschneiden?

Am sougenannte „Classique“ hunn et 74,2 % vun de Jonge gepackt, géint 79,7 % vun de Meedercher.

Klick fir méi Info...

Vëlo fueren ass mega

De gielen Tricot kenns du schonns, a sëcher hues du schonn eng Iddi (oder e Wonsch) wien en dëst Joer op de Champs-Elysées wäert droen. An de rosa Tricot?

Dee gewënnt een an der Coupe de France de Cyclisme féminin. An den 19. Juni 2011 wor d’Gewënnerin d’Christine Majerus aus Lëtzebuerg. D’Christine Majerus ass och lëtzebuerger Championne am Stroossecyclissem.

Iwwregens droen d’Männer och de rosa Maillot, an zwar ass dat am Giro d’Italia

De 26. Juni ass zu Berlin den Optakt vun der 6. Fraefoussball Weltmeeschterschaft gewiecht. Eng 16 Equipen aus der ganzer Welt maachen do mat.

D’Fraefoussballs-WM gëtt et zënter 1991. Virdrun goufen et zwar schon international Matcher, mä et huet e bësse gedauert bis dass d’FIFA décidéiert huet de Projet vun enger Frae-WM z’ënnerstëtzen.

Fraefoussball gëtt et awer schonns zënter dem 19. Jorhonnert...

Click fir méi...

A Saudi Arabien wëllen d’Fraen och Auto fueren

Wéi géings du reagéieren wann, laut Gesetz, d’Frae d’Rescht net hätten, mam Auto ze fueren? Mat esou engem Gesetz liewen d’Fraen a Saudi Arabien zënter Joren. An dofir hunn si de 17. Juni eng Protestaktioun gestart, wou si sech hannert d’Steierrad gesat hunn an duerch d’Stied gefuer sinn.

Vill vun deene Fraen hunn am Ausland de Führerschein gemaach. Mä well hiert Heemeschtland net séier genuch mat senge Reformen virugeet, däerfen si doheem kee Volant upaken. Fir zum Beispill op d’Aarbecht ze fueren, ginn si entweder vun hirem Mann gefouert, oder vun engem Chauffeur. Dacks kënnt dee Chauffeur aus Asien a kritt extra ee Visa fir a Saudi Arabien schaffen ze dierfen.

Click fir méi Info 

Successioun mécht keen Ënnerscheed méi tëscht Jongen a Meedercher

D’Cour grand-ducale huet bekannt gin, dass den grousherzogleschen Troun keen Ënnerscheed méi mécht tëscht engem Nofolger an enger Nofolgerinn.

Bis elo hat wor et nämlech esou, dass den éischtgebuerene Jong Virrang hat. De Grand-Duc Henri hat schon am Joer 2004 gefrot dass dës intern Regel geännert sollt ginn, fir dass d’Meedercher vum Grand-Duc an der Successioun gläichberechtegt ginn.

No 6 Joer Prozedur ass et elo souwäit. De Nofolger ass dat éischtgebuerent Kand, egal ob et e Jong oder e Meedchen ass.

...

Live dobäi beim Girls’day boys’day

Léiermeedercher “fir een Dag” haten sech den 12. Mee ëm halwer siwen beim Metzler Kaiffer afonnt fir hannert d’Kulissen vum Metzlerberuf ze luussen.

Wat géings du maachen?

- Adoptiounsrecht fir Homosexueller

- sexistesch Werbung verbidden

- Thema Chancegläichheet an Feminismus mei an der Schoul behandelen

- mei op Gewalt opmierksam man.

Nora, 17 Joer

Laachen oder Auslaachen?

Wéi wait däerf ee mat engem Witz goen, éier dass e net méi witzeg ass ? Déi Fro hues du der vläicht gestallt, wou s de sexistesch, homophob oder auslännerfeindlech Witzer héieren hues.

Mir hunn der Mme Baltes Löhr di Fro och gestallt, well si als Pädagogin weess, dass een ënnert Kollegen oder an der Schoul tëschent de Coursen heinsdo mol richteg den Damp rausloosse muss. An di beschte Méiglechkeet dofir, ass eben eng Kéier gutt ze laachen. D’Fro ass just wéi ee laacht an iwwert wat ee laacht.

Wann s du mol an dénger Clique ee Witz rapps, bass du da sëcher dass jiddereen e gutt fënnt? Kann ee wierklech iwwer Auslännerwitzer, sexistesche Witzer oder homophobe Witzer laachen? Wéini schwätzt ee net méi vu Laachen, mee vun Auslaachen?