Girly oder lächerlech?

Rosa fir d’Meedercher a blo fir d’Jongen, besser kéint een di zwee Geschlechter net ënnerscheeden... Mee muss dat wierklech sinn? De Mike an d’Sonja hu sech méi oder manner de Kapp driwwer zerbrach.

Mike: Blo a rosa si ganz praktesch fir d’Geschlecht vun de Puppelcher z’ënnerscheeden. Da kënnen d’Tataen an d’Monnien d’Elteren wéint hirem léiwe Bouf , respektiv léiwe Meedche, begléckwënschen, ouni sech dobäi am Geschlecht ze ieren.

Sonja: Egal wat, t’ass eng Demütegung ee Jong blo an e Meedche rosa ze fierwe! Kanner sinn dach keng Poppen!

Fir méi, klick op den Artikel

"Et gëtt verschidde Saachen dei een sech einfach net soll verdreint virstellen. Zum Beispill gëtt et do een ongeschriwwent Gesetz dass d'Jongen keng Meedercher sollen schloen, an do haalen souguer dei Dommst sech drun. Et ass och sou geduercht dass de Jong an enger Bezeihung soll op seng Frendin oppassen an hat an Schutz huelen.

Alles dat giff jo och mat der absoluter Glaichberechtegung verluer goen nee? "

An Däitschland kréien Jongen am Duerchschnëtt 19,08 Euro Täschegeld, während Meedercher sech mat 16,13 Euro mussen zefridde ginn...

Et gëtt jo dacks gesot, dass Werbung a Reklamm mat Stereotype schaffen, zemools wat d'Rollebild vu Mann a Fra ugeet. Hei ass eng bekannten hollännesch Mark déi versicht engem Mann ee Streckeisen ze verkafen. Ass dat mol eppes anescht ? Am Werbetext heescht et dass d'Streckeisen, am Géigesaz zu aner esou Objeten, een "zolidden schwaarze Boîtier" huet, fir dem Apparat seng "Männlechkeet" auszedrécken. Wat hälls du dovun? Ass et Gläichstellung vu Mann a Fra, oder einfach nëmmen ee weidere Stereotyp?  

“Wann ech spéider schaffe ginn, dann ass et besser wa meng Fra doheem bleift a sech ëm d’Haus an ëm d’Kanner këmmert...mee wann hatt méi Suen verdéngt, da muss ech wuel doheem bleiwen.”

Mike, 15 Joer  

Elo wou ëmmer méi Fraen schaffe ginn, muss doheem alles frësch opgedeelt ginn. Dofir sinn d’Kompetenze vun engem Manager gefrot. An dee bass du! Eng Famill funktionnéiert wéi eng kleng Entreprise. Do muss d’Aarbecht agedeelt gin, a jiddferee muss, am Prinzip, eng Hand mat upaken. Iwwerleet zesumme wie wat mëscht (dir kënnt och heinsdo tauschen), an hängt de Plang op de Frigo.

Mat 31,1 Joer kréien D’Fraen zu Lëtzebuerg hiert éischt Kand. Domat sin si di eelste Mammen aus der EU!